अमेरिकी डलर अझ बलियो, युरो र पाउण्ड स्टर्लिङ घट्यो, यस्तो छ आजको विनिमय दर

काठमाडौं। अमेरिकी डलर बढेको छ भने युरोपियन युरो र पाउण्ड स्टर्लिङको विनिमय दर अघिल्लो दिनका तुलनामा घटेको छ।

नेपाल राष्ट्र बैंकका अनुसार शनिबार १ अमेरिकी डलरको खरिद दर १५२ रुपैयाँ ५९ पैसा र बिक्री दर १५३ रुपैयाँ १९ पैसा पुगेको छ। शुक्रबार खरिद दर १५२ रुपैयाँ ४१ पैसा र बिक्री दर १५३ रुपैयाँ १ पैसा थियो। बजार विश्लेषकहरुका अनुसार महँगी नियन्त्रण गर्न फेडरल रिजर्भले ब्याजदर उच्च नै राख्ने संकेत गरेपछि अमेरिकी ट्रेजरी बोन्डको प्रतिफल (यिल्ड) बढेको छ। यसले माग झन् बढाउदा डलर बलियो बनेको हो।

युरोपियन युरोको खरिद दर १७६ रुपैयाँ ७६ पैसा र बिक्री दर १७७ रुपैयाँ ६५ पैसा भएको छ। शुक्रबार खरिद दर १७७ रुपैयाँ ३२ पैसा र बिक्री दर १७८ रुपैयाँ २ पैसा थियो। पाउण्ड स्टर्लिङको खरिद दर २०६ रुपैयाँ १८ पैसा र बिक्री दर २०६ रुपैयाँ ९९ भएको छ। शुक्रबार खरिद दर २०६ रुपैयाँ ५३ पैसा र बिक्री दर २०७ रुपैयाँ ३४ पैसा थियो।

स्वीस फ्रयांकको खरिद दर १८७ रुपैयाँ ३४ पैसा र बिक्री दर १८८ रुपैयाँ ८ पैसा भएको छ। शुक्रबार खरिद दर १८८ रुपैयाँ ६ पैसा र बिक्री दर १८८ रुपैयाँ ८८ पैसा थियो।

विश्व बजारमा सुनको भाउमा गिरावट छ। २४ घण्टामा सुन १६.९९ डलर घटेर प्रति औंस ४३४८.७८ डलरले कारोबार भइरहेको छ। चाँदी प्रति औंस ६४.४९ डलर भएको छ। चाँदी झीनो दरले बलियो बनेको हो।

यस्तो छ आजको विनिमय दर