गरिमा विकास बैंकले सेयरधनीलाई २० प्रतिशत लाभांश दिने, बोनस सेयर कति?

काठमाडौं। गरिमा विकास बैंकले लाभांश घोषणा गरेको छ। बैंक सञ्चालक समितिको बिहीबार बसेको बैठकले सेयरधनीलाई चुक्ता पुँजीको २० प्रतिशत लाभांश दिने निर्णय गरेको हो।

सेयरधनीलाई १० प्रतिशत बोनस सेयर र कर प्रयोजनसहित १० प्रतिशत नगद लाभांश दिने निर्णय गरेको बैंकले जनाएको छ। बैंकको चुक्ता पुँजी हाल ६ अर्ब २ करोड १३ लाख रुपैयाँ छ। उसले बोनस सेयर र नगद लाभांश गरी कुल १ अर्ब ५० करोड ४२ लाख ६९ हजार रुपैयाँ बराबर लाभांश वितरण गर्ने भएको हो।

बैंकका सेयरधनीले नेपाल राष्ट्र बैंकको स्वीकृति र कम्पनीको २०औं वार्षिक साधारण सभाबाट पारित भएपछि लाभांश पाउनेछन्।