सेयरधनीलाई ६ कम्पनी र १७ वटा म्युचुअल फण्डले गरे लाभांश घोषणा, कुनको कति?

काठमाडौं। नेपाल स्टक एक्सचेन्जमा सूचीकृत कम्पनीले गत आर्थिक वर्ष २०८२/८३ को मुनाफाबाट धमाधम लाभांश घोषणा गर्न थालेका छन्।

नेप्सेमा सूचीकृत बैंक, जलविद्युत कम्पनी र सामूहिक लगानी कोषले सेयरधनीलाई दिने प्रतिफल प्रस्ताव गरिरहेका हुन्।

वाणिज्य बैंकतर्फ एभरेष्ट र सानिमा बैंकले प्रतिफल घोषणा गरेका छन्।

सेयरधनीलाई एभरेष्ट बैंकले ५ प्रतिशत बोनस सेयर र १० प्रतिशत नगद दिने भएको छ। सानिमा बैंकले १० प्रतिशत नगद लाभांश प्रस्ताव गरेको छ।

कामना सेवा विकास बैंकले १५ प्रतिशत, सांग्रिला डेभलपमेन्ट बैंकले १०.५२ प्रतिशत, सुपर मादी हाइड्रोपावरले १५ प्रतिशत र माण्डू हाइड्रोपावरले १२ प्रतिशत लाभांश घोषणा गरेका छन्।

नियामक निकायको स्वीकृतिसँगै साधारण सभाबाट पारित भएपछि कम्पनीका सेयरधनीले लाभांश पाउनेछन्।

भदौ दोस्रो सातासम्म बन्द र खुलामुखी गरी १७ वटा सामूहिक लगानी कोष व्यवस्थापकले इकाइधनीलाई दिने प्रतिफल घोषणा गरेका छन्।