बाढीले ल्याएको सेफमा ९२ लाख ६८ हजार रुपैयाँ, फोर्न संलग्नता आरोपमा २९ जना पक्राउ

काठमाडौं। रसुवा बाढीसँगै धादिङमा नदिले बगाएर ल्याएको सेफ फोर्ने २९ जनालाइ सशस्त्र प्रहरी र नेपाल प्रहरीको संयुक्त टोलीले नियन्त्रणमा लिएको छ।

उक्त सेफमा ९२ लाख ६८ हजार ५ सय ५ रुपैयाँ समेत बरामद भएको छ। गत बुधबारको बाढी रसुवा र नुवाकोटका विभिन्न स्थानमा बजार र बस्ती नै बगाउँदा एक दर्जनभन्दा बढी बैंकका शाखा पनि त्यसमा परेका थिए।

त्रिशूली किनारमा फेला परेको सेफ कुनै बैंकको हुनुपर्ने अनुमान छ।

घटना अनुसन्धान भइरहेको प्रहरीले जनाएको छ।