अमेरिकी डलरसँगै युरो र पाउण्ड घट्दा सुनको मूल्य पनि प्रभावित, आज यस्तो छ विनिमय दर

काठमाडौं। अमेरिकी डलरसँगै युरोपियन युरो र पाउण्ड स्टर्लिङको भाउ अघिल्लो दिनका तुलनामा घटेको छ। सँगै सुनचाँदीको मूल्यमा पनि प्रभावित भएको छ।

नेपाल राष्ट्र बैंकका अनुसार अमेरिकी डलरको खरिद दर १५२ रुपैयाँ ३१ पैसा र बिक्री दर १५२ रुपैयाँ ९१ पैसा भएको छ। शुक्रबार खरिद दर १५२ रुपैयाँ ५७ पैसा र बिक्री दर १५३ रुपैयाँ १७ पैसा पुगेको थियो।

सुनको मूल्य पनि घटेको छ। अन्तर्राष्ट्रिय बजारमा २४ घण्टामा सुनको कारोबार मूल्य १५५.२२ डलरको गिरावटसँगै प्रति औंस ४५५५.४३ डलर भएको छ। चाँदी ३.१२ डलर सस्तिँदै ६६.६८ डलर प्रति औंसले कारोबार भइरहेको छ।

युरोपियन युरोको खरिद दर १७७ रुपैयाँ ३० पैसा र बिक्री दर १७७ रुपैयाँ ९९ पैसा भएको छ। शुक्रबार खरिद दर १७७ रुपैयाँ ५८ पैसा र बिक्री दर १७८ रुपैयाँ २८ पैसा थियो।

पाउण्ड स्टर्लिङको खरिद दर २०६ रुपैयाँ ८८ पैसा र बिक्री दर २०७ रुपैयाँ ६९ पैसा कायम भएको छ। शुक्रबार खरिद दर २०७ रुपैयाँ ९ पैसा र बिक्री दर २०७ रुपैयाँ ९१ पैसा थियो।

स्वीस फ्रयांक, क्यानेडियन डलर बढेको छ भने सिंगापुर डलर, जापानी येन, चिनियाँ युआन, थाइ भाट, खाडी मुलुकका मुद्राहरु घटेका छन्।

स्वीस फ्रयांकको खरिद दर १८९ रुपैयाँ ४० पैसा र बिक्री दर १९० रुपैयाँ १५ पैसा भएको छ। शुक्रबार खरिद दर १८९ रुपैयाँ २९ पैसा र बिक्री दर १९० रुपैयाँ ४ पैसा थियो।

यस्तो छ आजको विनिमय दर