भोटेकोशी बाढीमा परेर ३२ देशका ६६७ पर्यटक सम्पर्कविहीन, कुन देशका कति?

काठमाडौं। भोटैकोशी नदीमा आएको बाढीमा परेर ३२ देशका ६६७ पर्यटक सम्पर्कविहीन भएका छन्। नेपाल पर्यटन बोर्डले बिहीबार साँझ साढे ५ बजे सार्वजनिक गरेको तथ्यांकअनुसार ६६७ मध्ये १२७ नेपाली पर्यटक हुन्।

सम्पर्कविहीन पर्यटकमा सबैभन्दा धेरै भारतीय छन्। भारतका १७८ जना, अमेरिकी ६५ जना, युक्रेनका ५३ जना, मलेसियाका ५१ जना र अस्ट्रेलियाका ३५ जना सम्पर्कमा आएका छैनन्।

त्यस्तै क्यानडाका २५, चीनका २४ र बेलायतका ३३ पर्यटक पनि हालसम्म सम्पर्कमा नआएको बोर्डले जनाएको छ।

भारतका ११, दक्षिण कोरियाका ४, अमेरिका, रसिया र इटलीका २/२ तथा बुल्गेरिया र स्विजरल्यान्डका १/१ पर्यटकको उद्धार गरिएको छ। उद्धार गरिएका अन्य ८ जनाको पहिचान हुन नसकेको बोर्डले जनाएको छ।