मुक्तिनाथ र एनआइसी एसियाका दुई वटा म्युचुअल फण्डलाई इकाइ निष्कासनको अनुमति

काठमाडौं। नेपाल धितोपत्र बोर्ड(सेबोन)ले दुई वटा सामूहिक लगानी कोष(म्युचुअल फण्ड)को इकाइ निष्कासन स्वीकृत गरेको छ।

सेबोनले बुधबार मुक्तिनाथ म्युचुअल फण्ड २ र एनआइसी एसिया इक्विटी अपर्चुनिटी फण्डको सार्वजनिक निष्कासन स्वीकृत गरेको हो।

मुक्तिनाथ म्युचुअल फण्ड २ ले १ अर्ब रुपैयाँ बराबरको १० करोड इकाइ निष्कासन गर्दैछ। यस्तै, एनआइसी एसिया इक्विटी अपर्चुनिटी फण्डले ८० करोड रुपैयाँको ८ करोड इकाइ निष्कासन गर्दैछ।

सेबोनले स्वीकृति गरेका दुइवटै बन्दमुखी प्रकृतिका म्युचुअल फण्ड हुन। लगानीकर्ताले सार्वजनिक निष्कासनका साथै इकाइ ब्रिक्री गरेपछि दोस्रो बजारबाट समेत खरिद गर्न सक्नेछन्।