प्रधानमन्त्री बालेन बाढीमा घाइते भएकाहरुको अवस्था बुझेर विदुरबाट फर्किए काठमाडौं

काठमाडौं। प्रधानमन्त्री बालेन्द्र शाहले बाढी प्रभावित नुवाकोटको विदुर र आसपासका क्षेत्रको निरीक्षण गरेका छन्।

उनले बिहीबार पूर्वाधार विकासमन्त्री सुनिल लम्सालसहित सडक मार्ग हुँदै विदुर पुगेर बाढी प्रभावित बस्तीको भौतिक अवस्था र क्षतिको अवलोकन गरेका हुन्। उनले घायतेहरुको अवस्था पनि बुझेका छन्।

अवलोकनका क्रममा बालेनले स्थानीय प्रशासन, सुरक्षा निकाय र जनप्रतिनिधिसँग विस्तृतमा छलफल गरेको उनको सचिवालयले जनाएको छ।

बालेनले विस्थापित परिवारका लागि तत्काल राहत उपलब्ध गराउन, अवरुद्ध सडक तथा पूर्वाधार शीघ्र सञ्चालनमा ल्याउन र दीर्घकालीन पुनर्स्थापनाको कामलाई तीव्रता दिन सम्बद्ध निकायहरूलाई निर्देशन दिएका छन्।

निर्देशन दिएर उनी काठमाडौं फर्किएका छन्।