नेपाल चीन सीमामा हिमचट्टान पहिरो पछि ल्हेन्दे खोलामा गेग्य्रान सहितको बाढी : प्राधिकरण

काठमाडौं । राष्ट्रिय विपद् न्यूनीकरण तथा व्यवस्थापन प्राधिकरणले नेपाल चीन सीमामा गएको हिमचट्टान पहिरोका कारण बाढी गएको देखिएको जनाएको छ।

प्राधिकरणले सूचना जारी गर्दै स्याटेलाइट तस्बिरको विश्लेषणका आधारमा गरिएको प्रारम्भिक अध्ययनबाट नेपाल-चीन रसुवागढी नाकाबाट करिब २० किलोमिटर उत्तरपूर्व नेपाल-चीन सिमानामा गएको हिमचट्टान पहिरो गएको उल्लेख गरेको छ।

सोहीकारण ल्हेन्दे खोलामा गेग्य्रानसहितको बाढी आएको र टिमुरे हुँदै उक्त बाढी त्रिशूली नदीमा प्रवेश गरेको देखिएको प्राधिकरणले जनाएको छ।

आज बिहान आएको बाढीले रसुवा, नुवाकोट, धादिङ र चितवनका तटीय क्षेत्रमा क्षति गरेको छ।