सुनको भाउ चार दिनमा प्रति तोला १८ हजार ६०० रुपैयाँ बढ्यो, चाँदी भने सस्तियो

काठमाडौं। सुनको भाउ चार दिनमा प्रति तोला १८ हजार ६०० रुपैयाँ बढेको छ।

भदौ ३ गते प्रति तोला ३ लाख ४ हजार १०० रुपैयाँका दरले किनबेच भएको सुनको भाउ सोमबार तोलाको ३ लाख २२ हजार ७०० रुपैयाँ पुगेको छ।

गत बिहीबारदेखि सुनको भाउ लगातार बढिरहेको छ। नेपाल सुनचाँदी व्यवसायी महासंघका अनुसार सुनको मूल्य सोमबार प्रति तोला ३ हजार २०० रुपैयाँ बढेको हो।

चाँदीको भाउ भने प्रति तोला १० रुपैयाँ घटेर ४ हजार ९६५ रुपैयाँ कायम भएको छ।