धनुषाको मिथिला नगरपालिकाका थप ३१० परिवारले नापजाँचको १० वर्षपछि पाए लालपुर्जा

काठमाडौं। धनुषाको मिथिला नगरपालिकाका थप ३१० परिवारले लालपुर्जा पाएका छन्। नापजाँच सकिएको १० वर्षपछि मिथिला नगरपालिका-३ का ३१० परिवारले लालपुर्जा पाएका हुन्।

साविकको मिथलेश्वर महुवाही वडा नं.-१, २, ३, ४, ५, ६, ७, ८ र ९ का स्ववासीको जग्गाको नापजाँच २०७२/०७३ मा सम्पन्न भएको थियो।

आवश्यक प्रक्रिया पूरा गरी नापी कार्यालय धनुषाले जग्गाधनी पुर्जा वितरण गरेको भूमि व्यवस्थामन्त्री प्रतिभा रावलको सचिवालयले जनाएको छ।

नापी कार्यालयले केही दिनअघि मिथिला नगरपालिका-४ का ११० परिवारलाई लालपुर्जा वितरण गरेको थियो।