सिद्धार्थ क्यापिटलका दुई योजनाको लाभांश घोषणा, कुनका इकाइधनीलाई कति?

काठमाडौं। सिद्धार्थ क्यापिटलले आफ्नो व्यवस्थापनमा सिद्धार्थ म्युचुअल फण्ड अन्तर्गत सञ्चालित सिद्धार्थ इन्भेष्टमेन्ट ग्रोथ स्किम-२ र सिद्धार्थ इन्भेष्टमेन्ट ग्रोथ स्किम-३ को लाभांश घोषणा गरेको छ।

कम्पनीले सिद्धार्थ इन्भेष्टमेन्ट ग्रोथ स्किम-२ का इकाइधनीलाई ८ प्रतिशत र सिद्धार्थ इन्भेष्टमेन्ट ग्रोथ स्किम ३ का इकाइधनीलाई १० प्रतिशतका दरले नगद लाभांश (करसहित) वितरण गर्ने घोषणा गरेको हो।

क्यापिटलको सञ्चालक समितिको भदौ १ गते बसेको बैठकले लाभांशको निर्णय गरेको हो। सिद्धार्थ इक्विटी फण्ड र सिद्धार्थ इक्विटी फण्ड-२ का इकाइधनीले भने लाभांश नपाउने भएका छन्।