अपर तामाकोशीले १ वर्षमा कमायो १० अर्ब ६६ करोड, खुद नाफा साढे ९२ करोड

काठमाडौं। अपर तामाकोशी हाइड्रोपावरले आर्थिक वर्ष २०८२/८३ मा ९२ करोड ५९ लाख रुपैयाँ खुद नाफा कमाएको छ। अघिल्लो वर्ष ३ अर्ब ६८ करोड रुपैयाँ नोक्सानीमा गएको कम्पनीले पोहोर नोक्सानी घटाएर नाफामा गएको हो।

अपर तामाकोशीले गत वर्ष विद्युत् बिक्रीबाट १० अर्ब ६६ करोड ८८ लाख रुपैयाँ आम्दानी गरेको छ। यो रकम अघिल्लो वर्षभन्दा ५४ प्रतिशतले बढी हो।

हाइड्रोपावरले आर्थिक वर्ष २०८१/८२ मा विद्युत् बिक्रीबाट ६ अर्ब ९२ करोड रुपैयाँ कमाएको थियो।