सुनको मूल्य तोलामा एक हजार २०० रुपैयाँले घट्यो, चाँदी ३५ रुपैयाँले सस्तियो

काठमाडौं। सुनको मूल्यमा भइरहेको बढोत्तरीमा ब्रेक लागेको छ। अघिल्लो दिनको भन्दा बुधबार सुन तोलामा एक हजार २ सय रुपैयाँले सस्तो भएको छ।

बुधबार सुनको कारोबार मूल्य प्रति तोला ३ लाख ६ हजार ७ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।

यसअघि मंगलबार सुन तोलामा ६ हजार ४ सय रुपैयाँले बढेर प्रति तोला ३ लाख ७ हजार ९ सय रुपैयाँ पुगेको थियो। सोमबार प्रति तोला ३ लाख १ हजार ५ सय रुपैयाँ थियो।

चाँदीको मूल्य पनि बुधबार घटेको छ। ३५ रुपैयाँले घट्दै प्रति तोला ४ हजार ७४५ रुपैयाँमा आइपुगेको छ। मंगलबार प्रति तोला ४ हजार ७ सय ८० रुपैयाँ थियो।

अन्तर्राष्ट्रिय बजारमा सुन प्रति तोला ४३९३.६७ डलर र चाँदी प्रति औंस ६५.१३ डलरले कारोबार भइरहेको छ।