निर्जीवन बीमा कम्पनीको व्यापार १५.६१ प्रतिशत बढ्यो, एक वर्षमा ५२ अर्ब प्रिमियम संकलन

काठमाडौं । निर्जीवन बीमा कम्पनीले गत वर्ष ५२ अर्ब रुपैयाँ प्रिमियम संकलन गरेका छन्। नेपाल बीमा प्राधिकरणका अनुसार माइक्रोसहित १४ वटा निर्जीवन बीमा कम्पनीले आर्थिक वर्ष २०८२/८३ मा ५१ अर्ब ९२ करोड रुपैयाँ प्रिमियम संकलन गरेका हुन।

कम्पनीले आर्जन गरेको प्रिमियम रकम अघिल्लो वर्ष सोही अवधिको तुलनामा १५.६१ प्रतिशत धेरै हो। निर्जीवन बीमा कम्पनीले २०८१/८२ मा ४४ अर्ब ९१ करोड रुपैयाँ प्रिमियम संकलन गरेका थिए।

नेपाल बीमा प्राधिकरणका अनुसार असार मसान्तसम्म सबैभन्दा धेरै शिखर इन्स्योरेन्सले ६ अर्ब ५१ करोड रुपैयाँ प्रिमियम संकलन गरेको छ। कम्पनीले आर्जन गरेको प्रिमियम अघिल्लो वर्ष सोही अवधिको तुलनामा १२.३८ प्रतिशत धेरै हो।

दोस्रोमा सगरमाथा लुम्बिनी इन्स्योरेन्सले ५ अर्ब ४२ करोड रुपैयाँको व्यापार गरेको छ। कम्पनीले अघिल्लो वर्षभन्दा ८.४ प्रतिशतले व्यापार बढाएको हो।

गत वर्ष सबैभन्दा धेरै हिमालयन एभरेष्टटले ३१.०६ प्रतिशतले व्यवसाय बढाएर ५ अर्ब ३७ करोड रुपैयाँको व्यापार गरेको छ।

निर्जीवन बीमा कम्पनीको दुई आर्थिक वर्षको व्यापार ( प्रिमियम रकम लाखमा)