सुनको मूल्य तोलामा १६०० रुपैयाँ बढ्यो, चाँदीको भाउ ६० रुपैयाँ वृद्धि, कतिमा भइरहेको कारोबार?

काठमाडौं। साताको पहिलो दिन सुनको मूल्य बढेको छ। सुनको मूल्य आइतबार तोलामा १ हजार ६०० रुपैयाँ महँगो भएको हो।

नेपाल सुनचाँदी व्यवसायी महासंघका अनुसार सुनको मूल्य प्रति तोला २ लाख ८७ हजार १०० रुपैयाँ निर्धारण भएको छ।

चाँदीको मूल्य तोलामा ६० रुपैयाँ बढेको छ। चाँदीको भाउ प्रति तोला ४ हजार ४१० रुपैयाँ पुगेको छ।

अन्तर्राष्ट्रिय बजारमा प्रति औंस सुनको मूल्य ४०५२.८८ डलर र चाँदी ५८.१६ डलरमा किनबेच भइरहेको छ।