ओटीसी बजारमा फोनपेको सेयर सर्वाधिक महँगोमा किनबेच, कुनको कतिमा भयो कारोबार?

काठमाडौं। ओभर दी काउन्टर (ओटीसी) बजारमा फोनपे पेमेन्ट सर्भिसको सेयर सबैभन्दा महँगो मूल्यमा कारोबार भएको छ। नेपाल स्टक एक्सचेन्जका अनुसार आर्थिक वर्ष २०८२/८३ मा फोनपेको सेयर प्रति कित्ता १ हजार ३१५ रुपैयाँका दरमा किनबेच भएको हो।

बुक बिल्डिङमार्फत आइपीओ‌ निष्कासनको तयारीमा रहेको फोनपेको गत वर्ष ११ लाख ५२ हजार ११ कित्ता सेयर १ अर्ब ५१ करोड ४८ लाख रुपैयाँमा कारोबार भएको छ।

दोस्रोमा फेडरल रिइन्स्योरेन्स ब्रोकरको सेयर प्रति कित्ता १ हजार १० रुपैयाँमा कारोबार भएको छ। छिमेकी बजार व्यवस्था कम्पनीको प्रति कित्ता ४१२, टाइम फर्मास्युटिकल्सको प्रति कित्ता ३६५ रुपैयाँमा ओटीसी बजारमा सेयर किनबेच भएको छ।

हिमशीला पावर कम्पनीको सबैभन्दा कम प्रति कित्ता ५१.८७ रुपैयाँ सेयर कारोबार भएको छ। आइपीओ निष्कासन गरेर दोस्रो बजारमा सूचीकृत नभएका कम्पनीको सेयर कारोबार ओटीसी बजारमार्फत खरिदबिक्री हुँदै आएको छ।

आर्थिक वर्ष २०८२/८३ मा ओटीसी बजारमा कारोबार भएका कम्पनीको विवरण