भूमिहीन परिवारलाई धमाधम लालपुर्जा, इच्छाकामनाका ३४ परिवार बने जग्गाधनी

काठमाडौं। चितवनको इच्छाकामना गाउँपालिकाका ३४ भूमिहीनले जग्गाधनी पुर्जा पाएका छन्।

जिल्ला भूमि समस्या समाधान समितिले भूमिहीन दलित, सुकुम्बासी र अव्यवस्थित बसोबासी परिवारलाई लालपुर्जा दिएको हो।

समितिका अध्यक्ष रहेका चितवनका प्रमुख जिल्ला अधिकारी गणेश अर्यालले लालपुर्जा वितरण गरेका हुन्।

झापाको कनकाई नगरपालिकामा पनि भूमिहीन दलित तथा अव्यवस्थित बसोबासी ५ परिवारलाई शुक्रबार लालपुर्जा प्रदान भगरिएको भूमि व्यवस्था मन्त्रालयले जनाएको छ।

सरकारले यसअघि झापा र बर्दियाका ५२ परिवारलाई लालपुर्जा दिएको थियो।