बिलिङ प्रणाली ठेक्काको भ्रष्टाचार मुद्दामा सफाइपछि काममा फर्किइन् टेलिकमकी एमडी अर्याल

काठमाडौं। अदालतबाट सफाइ पाएपछि नेपाल टेलिकमकी प्रबन्ध निर्देशक संगीता पहाडी अर्याल काममा फर्किएकी छन्। बिलिङ प्रणाली ठेक्काको भ्रष्टाचार मुद्दामा सफाइ पाएपछि संगीता सोमबारबाट काममा फर्किएकी हुन्।

अख्तियार दुरुपयोग अनुसन्धान आयोगले ३३ करोड ४८ लाख १७ हजार रुपैयाँ बिगो कायम गरी २०८२ जेठ २५ गते दायर गरेको मुद्दामा विषेश अदालतले असार २५ गते संगीतालाई सफाइ दिएको थियो।

उनी २०८१ भदौ तेस्रो साता ४ वर्षका लागि टेलिकमको प्रबन्ध निर्देशक नियुक्त भएकामा भ्रष्टाचार मुद्दाका कारण निलम्बनमा परेकी थिइन्।