११ महिनामा वाणिज्य बैंकहरुको नाफा १९.४५ प्रतिशतले बढ्यो, कुनको कति?

काठमाडौं । वाणिज्य बैंकहरुको खुद नाफा १९.४५ प्रतिशतले बढाएका छन्। चालु आर्थिक वर्षको ११ महिनामा (जेठसम्म) वाणिज्य बैंकहरुले खुद नाफा १९.४५ प्रतिशतले बढाएर ६४ अर्ब ४७ करोड पुर्‍याएका हुन्।

पोहोर ११ महिनामा वाणिज्य बैंकहरुको खुद नाफा ५३ अर्ब ९७ करोड रुपैयाँ थियो।

निरन्तर घट्दै आइरहेको ब्याजदरले बैंकहरुको लागत कम हुँदा नाफामा सुधार देखिएको हो। जेठसम्म १४ बैंकले नाफा बढाउँदा ६ बैंकको खुम्चिएको छ। सबैभन्दा धेरै नाफा वृद्धि गर्नेमा भने कुमारी बैंक रहेको छ।

कुमारी बैंकको नाफा ११६८.४५ प्रतिशतले बढेको छ। पोहोर ११ महिनामा ३७ करोड नाफा गरेको कुमारी बैंकको नाफा ४ अर्ब ७० करोड पुगेको हो।

नेपाल इन्भेष्टमेन्ट मेगा, स्टान्डर्ड चार्टर्ड, एभरेष्ट, एनआईसी एसिया, ग्लोबल आइएमई र प्रभु बैंकको नाफा भने खुम्चिएको छ।

त्यस्तै, सबैभन्दा धेरै नाफा भने नबिल बैंकले गरेको छ। ११ महिनामा बैंकले ८ अर्ब ४९ करोड खुद नाफा गरेको छ। व्यवसाय विस्तार भई ब्याज आम्दानी बढेर नभइ घटेको कष्ट अफ फण्डले नाफा बढाउन सहयोग पुगेको बैंकहरु बताउँछन्।

‘तररलता पर्याप्त छ। ब्याजदर निकै तल आएको अवस्था छ,’ एक सीइओले भने,’ तैपनि ११ महिनामा ३ खर्ब १९ अर्ब रुपैयाँ कर्जा विस्तार भएको छ। जुन निकै कम हो। असुली साखै राम्रो छैन्। ब्याज खर्च घटेर लागत कम हुँदा त्यसले नाफा प्रभावित नभएको हो।’

कुनको नाफा कति ?