नेप्सेमा एक वर्षमा ३० कम्पनी सूचीकृत, ३०० रुपैयाँमा सुरु भएको सेयर मूल्य ५ हजारसम्म

काठमाडौं। सेयर बजार परिसूचक सोमबार २६.२९ अंकले ओरालो लाग्यो। तर घटेको बजारमा पनि तीन कम्पनीको सेयर मूल्यमा पोजेटिभ सर्किट लाग्यो। ती तीनवटै कम्पनी हालसालै आइपीओ जारी गरेकाहरु हुन्।

आइपीओ निष्कासन गरेर सेयर बजारमा प्रवेश गरेका केही नयाँ कम्पनीको मूल्य लगातार उकालो लागेको छ। चालु आर्थिक वर्ष नेप्सेमा ३० कम्पनी सूचीकृत भएकाकामा कुनैको सेयर मूल्य प्रति कित्ता ५ हजार रुपैयाँसम्म पुगेको छ। जबकि सेयर बजारमा पहिलो कारोबार ३०० रुपैयाँमा खुलेको थियो।

बुक बिल्डिङ विधिबाट सर्वसाधारणलाई आइपीओ बिक्री गरेको रिलायन्स स्पिनिङ मिल्सको सेयर कारोबार प्रति कित्ता ३०० रुपैयाँमा सुरु भएकामा लगातार बढेर ५ हजार ४९ रुपैयाँसम्म पुग्यो।

कम्पनीको भाउ अहिले प्रति कित्ता ३ हजार ७० रुपैयाँ छ। आइपीओ बिक्री गरेर दोस्रो बजारमा सूचीकृत अरु नयाँ कम्पनीको मूल्य पनि माथि छ।

खासगरी आइपीओ थोरै कित्ता हुने कम्पनीको भ्यालुएसन बढाउन सञ्चालक र ब्रोकरहरुले नै माग उच्च गराएर मूल्य उचाल्ने गरेको बजारका जानकारहर बताउँछन्।

आइपीओ निष्कासन गरेर चालु वर्ष नेप्सेमा सूचीकृत कम्पनीको कारोबार सुरु भएपछिको मूल्य विवरण