कर्जाको ब्याजदर निरन्तर ओरालो, बैंकहरूको औसत बेसरेट ५ प्रतिशतभन्दा तल

काठमाडौं। बैंकिङ प्रणालीमा निक्षेप निरन्तर बढ्दै गए पनि कर्जा विस्तार सुस्त बनेको छ। यही कारण बैंकहरूले निक्षेपको ब्याजदर लगातार घटाएका छन्। त्यसको प्रत्यक्ष प्रभाव आधार दर (बेसरेट) मा परेको छ।

बेसरेट घटेसँगै कर्जाको ब्याजदर पनि सस्तो हुने भएको छ। बैंकहरूले यही आधार दरमा निश्चित प्रिमियम थपेर ऋणको ब्याज निर्धारण गर्छन्। त्यसैले बेसरेट जति कम हुन्छ, कर्जा पनि त्यति नै सस्तो पर्छ।

चालु आर्थिक वर्षको वैशाख, जेठ र असारको औसत आधारमा वाणिज्य बैंकहरूको औसत बेसरेट ४.९७ प्रतिशतमा झरेको छ।

हाल ९ वटा वाणिज्य बैंकको बेसरेट ५ प्रतिशतभन्दा तल छ। स्टान्डर्ड चार्टर्ड बैंकको बेसरेट सबैभन्दा कम ४.२१ प्रतिशत छ।

एनआईसी एसिया बैंकको बेसरेट भने ६ प्रतिशतभन्दा माथि कायम छ। उसको बेसरेट सबैभन्दा बढी ६.०४ प्रतिशत छ।

बैंकहरूले पछिल्ला ३ महिनाको औसत बेसरेटमा प्रिमियम थपेर असार महिनाका लागि कर्जाको ब्याजदर निर्धारण गर्नेछन्।

कुन बैंकको बेसरेट कति?