मन्त्रिपरिषद्का विषयगत समिति दुई महिनामा दोस्रोपटक पुनर्गठन, प्रतिभा सबैभन्दा धेरै चार समितिमा

काठमाडौं। मन्त्रिपरिषद्का विषयगत समिति दुई महिनामा दोस्रोपटक पुनर्गठन गरिएको छ। मन्त्रिपरिषद् मातहत वैशाख २ गते विभिन्न ५ वटा समिति गठन गरिएकामा वैशाख १४ र असार ५ गते पुनर्गठन गरिएको हो।

५ मध्ये प्रधानमन्त्री बालेन्द्र बालेन्द्र शाह संयोजक रहेको राजनीतिक समिति ७ तथा बाँकी चार समिति ८/८ सदस्यीय हुन्।

राजनीतिक समितिमा अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल, ऊर्जामन्त्री विराजभक्त श्रेष्ठ, गृहमन्त्री सुधन गुरुङ, कानुनमन्त्री सोविता गौतम र सामान्य प्रशासनमन्त्री प्रतिभा रावल सदस्य छन्।

प्रतिभा संयोजक रहेको प्रशासन समितिमा स्वर्णिम, शिशिर र सोविताका अलावा पूर्वाधार विकासमन्त्री सुनिल लम्साल, महिलामन्त्री सीता वादी, सञ्चारमन्त्री डा. विक्रम तिमिल्सिना र उद्योगमन्त्री गौरी कुमारीलाई राखिएको छ।

गृहमन्त्री सुधन संयोजक रहेको सामाजिक समितिमा सीता, प्रतिभासँगै नवप्रवर्तनमन्त्री महावीर पुन, स्वास्थ्यमन्त्री निशा मेहता, शिक्षामन्त्री सस्मित पोखरेल, कृषिमन्त्री गीता चौधरी र श्रममन्त्री रामजी यादव सदस्य छन्।

आर्थिक तथा पूर्वाधार समितिको संयोजक स्वर्णिम छन्। यो समितिमा विराजभक्त, सुनिल, महावीर, विक्रम, गीता, गौरी कुमारी र पर्यटनमन्त्री खडकराज पौडेल सदस्य छन्।

सोविता संयोजक रहेको विधेयक समितिमा शिशिर, विराजभक्त, सुधन, प्रतिभा, सस्मित, खडकराज र रामजीलाई राखिएको छ।