सुनचाँदीको मूल्य घट्यो, सुन प्रति तोला १६ सय रुपैयाँले घट्यो, चाँदीमा घटबढ कति?

काठमाडौं। बढ्न थालेको सुनको मूल्य पुन: घटेको छ। अघिल्लो दिनको तुलनामा मंगलबार सुन तोलामा १ हजार ६ सय रुपैयाँ घटेको छ।

नेपाल सुनचाँदी व्यवसायी महासंघका अनुसार सुनको कारोबार मूल्य प्रति तोला २ लाख ८७ हजार १०० रुपैयाँ निर्धारण भएको छ।

सोमबार प्रति तोला २ लाख ८८ हजार ७ सय रुपैयाँमा कारोबार भएको थियो। साताको पहिलो दिनका तुलनामा सोमबार सुन तोलामा १ हजार ४ सय रुपैयाँले बढेर कारोबार मूल्य कायम भएको थियो। त्यसअघि गत शुक्रबारका तुलनामा ६ सय रुपैयाँले बढेर आइतबार तोलाको २ लाख ८७  हजार ३ सय रुपैयाँ भएको थियो।

चाँदीको मूल्य मंगलबार तोलामा १ सय ४० रुपैयाँ घटेको छ। संघका अनुसार कारोबार मूल्य तोलाको ४ हजार ५ सय ९० रुपैयाँ  आइपुगेको छ। सोमबार प्रति तोला ४ हजार ७ सय ३० रुपैयाँ थियो।

अन्तर्राष्ट्रिय बजारमा मंगलबार सुन प्रति औंस ४१२४.४८ डलर र चाँदी प्रति औंस ६२.५९ डलरले कारोबार भइरहेको छ।