नेपाली अलैंचीको विदेशमा उच्च माग, निर्यात ६७ प्रतिशतले वृद्धि, ११ महिनामा १२ अर्बको बिक्री

काठमाडौं। अलैंचीको निर्यात मूल्यका आधारमा ६७ प्रतिशतले बढेको छ। चालु आर्थिक वर्ष ११ महिनामा नेपालले १२ अर्ब १ करोड रुपैयाँको अलैंची विदेशमा बेचेको छ।

चालु आर्थिक वर्ष जेठसम्म ६० लाख केजीभन्दा बढी अलैंची विदेशमा बेचेको भन्सार विभागको तथ्यांक छ। पोहोर ७ अर्ब १९ करोड रुपैयाँको अलैंची निर्यात भएको थियो।

११ महिनामा २ खर्ब ७७ अर्ब रुपैयाँको वस्तु निर्यात हुँदा पहिलो नम्बरमा भने भटमास तेल छ। भटमास तेल १ खर्ब १३ करोड १८ लाख रुपैयाँको ५३ करोड केजीभन्दा बढी निर्यात गरिएको छ।

यस्तै गलैंचा ९ अर्ब ३८ करोड, सूर्यमुखी तेल ७ अर्ब ९९ करोड, पाम आयल ६ अर्ब १४ करोड र रेडिमेड कपडा ५ अर्ब ७८ करोड रुपैयाँको निर्यात भएको छ।

गत वर्ष सोही अवधिमा २भटमास तेल ९३ अर्ब ५१ करोड, सूर्यमुखी तेल ११ अर्ब ३३ करोड र गलैंचा ९ अर्ब ७८ करोड रुपैयाँको निर्यात भएको थियो।