प्लेअफको छेवैमा पुगेपछाडिको पञ्जावको लगातार पाँचौँ हार, मुम्बईसँग ६ विकेटले पराजित

पञ्जाव किंग्स फेरि पराजित भएको छ। इण्डियन प्रिमियर लिग आईपीएलमा सुरुवात सात खेलमा अपराजित रहेको पञ्जाव त्यसयताका लगातार पाँचौँ खेलमा पराजित भएको हो।

गएराति धर्मशालामा सम्पन्न खेलमा मुम्बई इण्डिनयन्सले उसलाई ६ विकेटले हरायो। मुम्बई प्लेअफको होडबाट बाहिरिसकेको टोली हो।

टस हारेर ब्याटिङमा उत्रिएको पञ्जावले निर्धारित २० ओभरमा ८ विकेट गुमाउँदै २०० रन बनाएको थियो। यसक्रममा प्रभशिमरन सिंहले सर्वाधिक ५७ रन बनाउँदा अजमतुल्लाह ओमरजाइले ३८ तथा प्रियांश आर्याले २२ रनको योगदान दिए। बलिङमा मुम्बईका सार्दुल ठाकुरले ४ विकेट लिँदा दीपक चहरले २ तथा कोर्बिन बोस्च र राज बजवाले समान १ विकेट लिए।

जवाफी ब्याटिङमा उत्रिएको मुम्बईले १९.५ ओभरमा ४ विकेट गुमाएर लक्ष्य भेट्टायो। उसका लागि तिलक वर्माले सर्वाधिक अविजित ७५ रन बनाउँदा रायन रिकेल्टनले ४८ तथा विल ज्याक र रोहित शर्माले समान २५ रन बनाए। बलिङमा कोलकाताका अजमतुल्लाह ओमरजाइले २ तथा मार्को जेनसन र युजवेन्द्र चहलले समान १ विकेट लिए पनि मुम्बईलाई रोक्न सकेनन्।

आज लखउन सुपर जायन्ट र चेन्नइ सुपर किंग्स भिड्दैछन्।