सुनचाँदीको भाउ लगातार उकालो लाग्दै, सुन १३०० र चाँदी १२० रुपैयाँ महँगियो

काठमाडौं। सुनचाँदीको भाउ लगातार उकालो लागेको छ। शुक्रबार सुन तोलामा १ हजार ३ सय रुपैयाँले बढेको नेपाल सुनचाँदी व्यवसायी महासंघले जनाएको छ।

महासंघका अनुसार शुक्रबार सुनको मूल्य प्रति तोला २ लाख ९९ हजार ९ सय रुपैयाँ कायम भएको छ।

बिहीबार सुनको मूल्य तोलामा १८०० रुपैयाँ बढेर प्रति तोला २ लाख ९८ हजार ६०० रुपैयाँमा कारोबार भएको थियो।

चाँदीको मूल्य पनि लगातार बढिरहेको छ। शुक्रबार चाँदी तोलामा १२० रुपैयाँ वृद्धि भएको छ।

शुक्रबार चाँदी ५ हजार २ सय ७५ रुपैयाँमा कारोबार भइरहेको छ। बिहीबार चाँदीको मूल्य १०५ रुपैयाँ बढ्दै ५ हजार १५५ रुपैयाँ पुगेको थियो।