पुनः बढ्यो सुनचाँदीको मूल्य, सुन प्रति तोला १२०० बढ्दा चाँदी ९५ रुपैयाँ महँगियो

काठमाडौं। सुनचाँदीको मूल्य पुनः बढेको छ। शुक्रबारको तुलनामा सुन तोलामा १ हजार २ सय रुपैयाँले वृद्धि भएको हो।

आइतबार सुनको कारोबार मूल्य प्रति तोला ३ लाख १ हजार रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।

शुक्रबार सुन तोला ३ हजार रुपैयाँले घटेर प्रति तोला २ लाख ९९ हजार ८ सय रुपैयाँमा आइपुगेको थियो।

चाँदीको मूल्य पनि तोलामा ९५ रुपैयाँले बढ्दा प्रति तोला ५ हजार २ सय २५ रुपैयाँ कायम भएको छ।

शुक्रबार चाँदी प्रति तोला ५ हजार १ सय ३० रुपैयाँ थियो।

अन्तर्राष्ट्रिय बजारमा सुनको मूल्य प्रति औंस ४८३१.२३ डलर र चाँदी प्रति औंस ८०.८३ डलर पुगेको छ।