मुम्बईलाई हराउँदै पञ्जाव पुग्यो शीर्षस्थानमा, आज गुजरात र कोलकाता भिड्ने

पञ्जाव किंग्स इण्डियन प्रिमियर लिग (आईपीएल)को शीर्षस्थानमा उक्लिएको छ। गएराति सम्पन्न खेलमा मुम्बई इण्डियन्सलाई ७ विकेटले हराउँदै पञ्जाल तालिकाको शीर्षस्थानमा उक्लिएको हो।

मुम्बईस्थित वानखेडे स्टेडियममा टस हारेर ब्याटिङमा उत्रिएको घरेलु टोलीले निर्धारित २० ओभरमा ६ विकेट गुमाउँदै १९५ रन बनाएको थियो। मुम्बईका लागि क्विन्टन डिककले शतकीय इनिङ्स खेल्दै सर्वाधिक अविजित ११२ रन बनाउँदा नमन धीरले ५० रन बनाए। बलिङमा पञ्जवका अश्रदीप सिंहले ३ विकेट लिँदा मार्को जेनसन र सशांक सिंहले समान १ विकेट लिए।

जवाफी ब्याटिङमा उत्रिएको पञ्जावले १६.३ ओभरमा ३ विकेट गुमाएर लक्ष्य भेट्टायो। पञ्जावका लागि प्रभसिमरन सिंहले सर्वाधिक अविजित ८० रन बनाउँदा कप्तान श्रेयस ऐय्यरले ६६ रनको योगदान दिए। बलिङमा एएन गजानफरले २ तथा शार्दुल ठाकुरले १ विकेट लिए पनि पञ्जावलाई लक्ष्यसम्म पुग्नका लागि रोक्न सकेनन्।

योसँगै ५ खेलबाट ९ अंक बनाएको पञ्जाव शीर्षस्थानमा रहँदा ८ अंक बनाएका बेङ्ग्लुरु र राजस्थान दोस्रो र तेस्रो स्थानमा छन्। मुम्बई भने २ अंक बनाउँदै तालिकाको नवौँ स्थानमा छ।

आज साँझ गुजरात टाइटन्स र कोलकाता नाइट राइडर्स अहमदाबादमा भिड्दैछन्।