उकालो लाग्यो सुनचाँदीको मूल्य, सुन प्रति तोला २२०० र चाँदी ८५ रुपैयाँ महँगियो

काठमाडौं। शुक्रबार सुनचाँदीको मूल्य बढेको छ। सुन प्रति तोला २ हजार २०० रुपैयाँ र चाँदी तोलामा ८५ रुपैयाँ महँगिएको हो।

नेपाल सुनचाँदी व्यवसायी महासंघका अनुसार शुक्रबार सुनको भाउ प्रति तोला २ लाख ९६ हजार ९०० रुपैयाँ कायम भएको छ।

बिहीबार सुन प्रति तोला २ लाख ९४ हजार ७०० रुपैयाँमा कारोबार भएको थियो। बुधबार सुनको भाउ प्रति तोला २ लाख ९९ हजार रुपैयाँ थियो।

शुक्रबार चाँदीको मूल्य ४ हजार ९६० रुपैयाँ कायम भएको छ। बिहीबार चाँदी ४ हजार ८७५ रुपैयाँमा कारोबार भएको थियो।

बुधबार चाँदीको मूल्य ४ हजार २५ रुपैयाँ कायम भएको थियो।

शुक्रबार अन्तर्राष्ट्रिय बजारमा एक औँस सुन ५ हजार ३०० र त्यति नै परिमाणको चाँदी ९५ अमेरिकी डलरमा कारोबार भइरहेको छ।