राष्ट्र बैंकले सहुलियत दिंदा पनि बैंकहरुको नाफा प्रभावित, ११ को खुम्चियो, कुनले कति कमाए?

काठमाडौं। ब्याजदर घट्दै आए पनि व्यवसाय अपेक्षितरुपमा विस्तार नभएपछि बढेको लागतले बैंकहरुको नाफा प्रभावित भएको छ।

निक्षेप थुप्रिएर कर्जा लगानी सुस्त रहेको बेला असुलीमा समेत सुधार नहुँदा वाणिज्य बैंकहरुको नाफा प्रभावित भएको हो।

वाणिज्य बैंकहरुको नाफा जम्मा ०.८९ प्रतिशतले बढेको छ। चालु आवको ८ महिनामा बैंकहरुले ४३ अर्ब ८८ करोड रुपैयाँ नाफा कमाएका छन्। पोहोर यसै अवधिमा बैंकहरुले ४३ अर्ब ४९ करोड नाफा कमाएका थिए।

राष्ट्र बैंकले दिएको कर्जा पुनर्संरचना र पुनर्तालिकीकरणको सुविधाले बैंकहरुको नाफामा झिनो सुधार देखिएको हो।

२० मध्ये ११ बैंकको नाफा खुम्चिएको छ। नेपाल बैंकको नाफा ६०.२८ प्रतिशतले घटेको छ।

९ बैंकको नाफा बढेको छ। राष्ट्रिय वाणिज्य, नबिल, नेपाल एसबिआई, माछापुच्छ्रे, कुमारी, सिद्धार्थ, कृषि, प्राइम र सानिमा बैंकको नाफा बढेको हो। कुमारी बैंकको नाफा सबैभन्दा धेरै २७४.६५ प्रतिशतले बढेको छ। यस्तै प्राइम बैंकको नाफा ९.६८ प्रतिशतले बढेको छ।

कुन बैंकको नाफा कति ?