सेयर बजारमा १०० अंकको गिरावट, नेप्से परिसूचक आइपुग्यो २६८१ विन्दुमा

काठमाडौं। कारोबार खुलेदेखि ओरालो लागेको सेयर बजारमा आइतबार उच्च अंकको गिरावट देखिएको छ। नेप्से परिसूचक इन्ट्राडे १:२७ बजे ९७.६१ अंक घटेर २६८४ विन्दुमा आएको छ।

कारोबारमा आएका सबै उपसमूहको सूचक घटेको छ। आइपीओ बिक्री बाहेकका कम्पनीको मूल्य उच्च घटेको छ। साढे १ बजेसम्म बजारमा ७ अर्ब ८४ करोड रुपैयाँको सेयर किनबेच भएको छ।

नारायणी डेभलपमेन्ट बैंक र हिमालयन रिइन्स्योरेन्सको सेयर मूल्यमा नेगेटिभ सर्किट लागेको छ। सरकारले सम्पत्ति शुद्धीकरणको अनुसन्धान तीव्र बनाएर बिचौलिया समात्न थालेपछि त्यसको प्रभाव बजारमा देखिएको हो।