कामना सेवा विकास बैंकका ग्राहकले अशोका रिसोर्टमा १० प्रतिशत छुट पाउने

काठमाडौं। कामना सेवा विकास बैंकका ग्राहकले चितवनको भरतपुरस्थित अशोका रेिसोर्टमा छुट पाउने भएका छन्।

बैंकका ग्राहकले अशोका रिसोर्टमा अकोमोडेसन, फुड र बेभरेजमा १० प्रतिशत छुट पाउने भएका हुन्। यस सम्बन्धमा बैंकले रिसोर्टसँग सम्झौता गरेको छ।

छुट सम्बन्धी सम्झौतामा बैंकका तर्फबाट नारायणगढ क्षेत्रका प्रमुख सुरेन्द्र भण्डारी र रिसोर्टका प्रबन्ध निर्देशक अशोक अधिकारीले हस्ताक्षर गरेका छन्। ग्राहकसँगै कर्मचारीले पनि छुट सुविधा पाउने बैंकले जनाएको छ।