सुनको मूल्यमा दुई दिनपछि सामान्य गिरावट, चाँदी भने तोलाको ५५ रुपैयाँ बढ्यो

काठमाडौं। दुई दिनपछि सुनको मूल्यमा सामान्य गिरावट छ। अघिल्लो दिनको भन्दा ४ सय घट्दा बुधबार कारोबार मूल्य प्रति तोला २ लाख ६७ हजार ७ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।

यसअघि ३ हजार १ सय रुपैयाँले बढ्दा मंगलबार प्रति तोला २ लाख ६८ हजार १ सय रुपैयाँ पुगेको थियो। साताको प्रारम्भमा तोलाको २ लाख ६० हजार ४ सय रुपैयाँ थियो भने सोमबार बढेर २ लाख ६५ हजार भएको थियो।

चाँदीको मूल्य बुधबार बढेको छ। अघिल्लो दिनका तुलनामा ५५ रुपैयाँ बढेर प्रति तोला ४ हजार ९ सय ३५ रुपैयाँ भएको हो। मंगलबार चाँदी तोलाको ४ हजार ८ सय ८० रुपैयाँ थियो भने सोमबार ४ हजार ६ सय ८५ रुपैयाँ थियो।

अन्तर्राष्ट्रिय बजारमा सुनको मूल्य घटेर प्रति औंस ४४५९.८९ डलरले कारोबार भइरहेको छ। चाँदी प्रति औंस ७९.०६ डलर छ। मंगलबार सुन प्रति औंस ४४६७.७४ डलर र चाँदी ७८.७६ डलर थियो।