नेशनल लाइफ इन्स्योरेन्सको लाभांश घोषणा, सेयरधनीलाई १३.१५ प्रतिशत दिने

काठमाडौं। नेशनल लाइफ इन्स्योरेन्सले लाभांश घोषणा गरेको छ। इन्स्योरेन्स सञ्चालक समितिको बुधबार भएको बैठकले सेयरधनीलाई प्रतिफल वितरण गर्ने निर्णय गरेको हो।

कम्पनीका लगानीकर्ताले आर्थिक वर्ष २०८१/८२ को मुनाफाबाट करसहित नगद र बोनस सेयर गरेर १३.१५ प्रतिशत प्रतिफल पाउनेछन्। कम्पनीको चुक्ता पुँजी हाल ५ अर्ब ४७ करोड २७ लाख रुपैयाँ छ।

घोषणा अनुसार सेयरधनीले लाभांश नगदमा चुक्ता पुँजीको ८.५ प्रतिशतले हुन आउने ४६ करोड ५१ लाख ८२ हजार ८७८ रुपैयाँ पाउनेछन्। यस्तै, चुक्ता पुँजीको ४ प्रतिशतले हुन आउने २१ करोड ८९ लाख ९ हजार ५८९ रुपैयाँ बराबरको बोनस सेयर पाउनेछन्।

उक्त लाभांश नेपाल बीमा प्राधिकरण र इन्स्योरेन्सको वार्षिक साधारण सभाबाट पारित भएपछि सेयरधनीले पाउनेछन्। यसपटक घोषित लाभांश अघिल्लो पटकका तुलनामा घटेको हो।

नेशनल लाइफले आर्थिक वर्ष २०८०/८१ मा १० प्रतिशत नगद र ५ प्रतिशत बोनस सेयर वितरण गरेको थियो। यस्तै, २०७९/८० मा १० प्रतिशत नगद र ४ प्रतिशत बोनस सेयर वितरण गरेको थियो।