ओरालो लागेको सुनको मूल्य आज स्थिर, चाँदी भने तोलामा १५ रुपैयाँ बढ्यो

काठमाडौं। ओरालो लागेको सुनको मूल्य बिहीबार स्थिर छ। बुधबार सुन तोलामा ७ सय रुपैयाँ घटेर प्रति तोला २ लाख ३६ हजार ३ सय रुपैयाँमा कारोबार भएको थियो।

मंगलबार सुन प्रति तोला २ लाख ३७ हजार रुपैयाँ थियो।

चाँदीको मूल्य लगातार बढ्न थालेको छ। बिहीबार चाँदी तोलामा १५ रुपैयाँ बढेर प्रति तोला २ हजार ९८० रुपैयाँ भएको नेपाल सुनचाँदी व्यवसायी महासंघले जनाएको छ।

बुधबार चाँदी तोलामा ४५ रुपैयाँ बढ्दा प्रति तोला २ हजार ९६५ रुपैयाँ पुगेको थियो।

अन्तर्राष्ट्रिय बजारमा सुनको मूल्य बिहीबार सामान्य घटबढ भइरहेको छ। सुन प्रति औंस ३९६४.४४ डलर छ। चाँदी प्रति औंस ४७.५७ डलरमा कारोबार भइरहेको छ।