नेपाल इन्भेष्टमेन्ट बैंकले उद्यम गर्न महिलाहरुलाई सहयोग गर्ने, महासंघसँग सम्झौता

काठमाडौं। नेपाल इन्भेष्टमेन्ट मेगा बैंकले महिलाहरुलाई उद्यम क्षेत्रमा आकर्षिक गर्नका लागि सहयोग गर्ने भएको छ। बैंकले महिलाहरुको व्यवसाय प्रवर्धन गर्न सहयोग गर्ने भएको हो।

यस सम्बन्धमा बैंक र महिला उद्यमी महासंघबीच सम्झौता भएको छ। सम्झौता अनुसार बैंकले महासंघका सदस्यहरुलाई विभिन्न सेवाहरुमा छुट दिनेछ।

बैंकका तर्फबाट प्रमुख कार्यकारी अधिकृत ज्योतिप्रकाश पाण्डे र महासंघका तर्फबाट अध्यक्ष शोभा ज्ञवालीले हस्ताक्षर गरेको बिहीबार जारी गरिएको प्रेस विज्ञप्तिमा उल्लेख छ।

सम्झौता अनुसार महासंघका सदस्यद्धारा सञ्चालित उद्यम र नयाँ उद्यमी बन्न चाहने महिलालाई बैंकले वित्तीय सहयोग उपलब्ध गराउनेछ।

बैंकका प्रमुख कार्यकारी अधिकृत पाण्डेले आफ्का २७५ वटै शाखामार्फत उद्यम गर्न चाहने महिलालाई छुटसहित कर्जा प्रवाहमा विशेष प्राथमिकता दिने बताए।