निर्जीवन बीमा कम्पनीको खुद नाफा ४ अर्ब १६ करोड, २८.९२ प्रतिशतले गिरावट

काठमाडौं। निर्जीवन बीमा कम्पनीको नाफामा २८.९२ प्रतिशतले गिरावट आएको छ। कम्पनीहरुले गत आर्थिक वर्ष २०८१/८२ मा ४ अर्ब १६ करोड रुपैयाँ खुद नाफा कमाएका छन्।

निर्जीवन बीमा कम्पनीले अघिल्लो वर्ष ५ अर्ब ८५ करोड रुपैयाँ खुद नाफा आर्जन गरेका थिए।

६ वटा कम्पनीको नाफामा गिरावट आएको छ। नेसनल इन्स्योरेन्स नोक्सानीमै गएको छ। नेसनल इन्स्योरेन्स ६२ करोड ३९ लाख रुपैयाँ नोक्सानीमा गएको हो। कम्पनीले अघिल्लो वर्ष २६ करोड ६७ लाख रुपैयाँ नाफा कमाएको थियो।

सिद्धार्थ प्रिमियर इन्स्योरेन्सले सर्वाधिक ७१ करोड ३१ लाख रुपैयाँ खुद नाफा आर्जन गरेको छ। कम्पनीले आर्जन गरेको मुनाफा अघिल्लो वर्षको तुलनामा ३.६३ प्रतिशत धेरै हो।

प्रभु इन्स्योरेन्सले सबैभन्दा धेरै ३९.२४ प्रतिशतले नाफा बढाएको छ। यो कम्पनीले गत वर्ष २१ करोड १९ लाख रुपैयाँ नाफा आर्जन गरेको छ।

निर्जीवन बीमा कम्पनीको दुई आर्थिक वर्षको मुनाफा रु हजारमा