प्रभु बैंकका ग्राहक र कर्मचारीले बबरमहलस्थित अन्नपूर्ण न्यूरो हस्पिटलमा १५ प्रतिशतसम्म छुट पाउने

काठमाडौं। प्रभु बैंक लिमिटेडका ग्राहक तथा कर्मचारीहरूले काठमाडौं महानगरपालिका वडा नम्बर ११, बबरमहलस्थित अन्नपूर्ण न्यूरो हस्पिटलमा छुट पाउने भएका छन्। बैंकले हस्पिटलसँग छुटसम्बन्धी सम्झौता गरेको जनाएको छ।

सम्झौताअनुसार प्रभु बैंकका कर्मचारी र कर्मचारीका परिवारजन तथा ग्राहकले अन्नपूर्ण न्यूरो हस्पिटलका सेवाहरूमा १०-१५ प्रतिशत छुट पाउने छन्।

सम्झौतापत्रमा अन्नपूर्ण न्यूरो हस्पिटलका मेडिकल प्रशासक डाक्टर शरद गजूरेल र मार्केटिङ म्यानेजर प्रेम कुमार दाहाल तथा प्रभु बैंकका चिफ मार्केटिङ अफिसर रमेश कुमार श्रेष्ठ र मार्केटिङ म्यानेजर दिना चित्रकारले हस्ताक्षरग गरेका छन्।