सीएनआईका १९ वटा संयन्त्रले पाए नयाँ नेतृत्व, रोजगारदाता परिषद्को सभापतिमा रिजाल

काठमाडौं। नेपाल उद्योग परिसंघ (सीएनआई)ले क्षेत्रगतरुपमा काम गर्ने गरी विभिन्न ११ वटा समिति, ५ काउन्सिल र तीनवटा फोरम गठन गरेको छ।

सीएनआईले उद्योग, राजस्व, मेक इन नेपाल स्वदेशी, ग्लोबल बिजनेस तथा डायस्पोरा, पूर्वाधार, बैंकिङ तथा फाइनान्स, पर्यटन, कृषि तथा म्याप, प्रदेश तथा जिल्ला समन्वय, सदस्यता र उत्पत्तिको प्रमाणपत्र समिति गठन गरेको हो।

यस्तै शिक्षा तथा सीप, स्वास्थ्य, रोजगारदाता, उर्जा विकास र सूचना प्रविधि परिषद्, सीइओज् फोरम, महिला नेतृत्व फोरम र स्टार्टअप तथा युवा उद्यमी मञ्च गठन गरिएको सीएनआईले जनाएको छ।

सीएनआईले समितिका सभापति र उपसभापति चयनसमेत गरेको छ।

उद्योग समितिमा राहुल अग्रवाललाई सभापति र गुरु अधिकारीलाई उपसभापति, राजस्व समितिमा गोपाल अग्रवाललाई सभापति तथा दीपक कुमार अग्रवाल र शेषमणि दाहाललाई उपसभापति, कृषि तथा म्याप समितिमा हितेश गोल्छालाई सभापति, मेक इन नेपाल स्वदेशी समितिमा प्राशी अग्रवाललाई सभापति र विदूषी राणालाई उपसभापति बनाइएको छ।

यस्तै ग्लोबल बिजनेस तथा डायस्पोरा समितिमा सभापतिको जिम्मेवारी चन्द्र चण्डन र उपसभापतिको जिम्मेवारी वर्ण न्यौपानेले पाएका छन्।

पूर्वाधार समितिको सभापति रामकृष्ण खतिवडा र उपसभापति बसन्त चन्द, बैंकिङ तथा फाइनान्स समितिको सभापति वरुण कुमार तोदी, पर्यटन समितिको सभापति पम्फा धमला तथा उपसभापति अशोक पोखरेल र रोमी अर्याललाई बनाइएको छ।

यस्तै प्रदेश तथा जिल्ला समन्वय समिति सभापतिको जिम्मेवारी लेखराज पोखरेल र उपसभापतिको जिम्मेवारी पवन कुमार शारडाले पाएका छन्। सदस्यता समितिको सभापति गौरव शारडालाई बनाइएको छ। उत्पत्तिको प्रमाणपत्र समितिको नेतृत्व आकाश गोल्छाले पाएका छन्।

शिक्षा तथा सीप परिषद्को सभापति आषिश जजोडिया र उपसभापति यश अग्रवाल, स्वास्थ्य परिषद्को सभापति मनिष खेम्का र उपसभापति आशिष अग्रवाल, रोजगारदाता परिषद्को सभापति ध्रुव रिजाल, उर्जा विकास परिषद्को सभापति आशिष गर्ग र उपसभापति सन्जीव न्यौपानेलाई बनाइएको छ।

यस्तै सूचना प्रविधि परिषद् सभापतिको जिम्मेवारी सन्जय गोल्छाले पाएका छन्। सीइओज् फोरमको सभापति हरकिरत सिंह बेदी, महिला नेतृत्व फोरमको सभापति विदूषी राणा र उपसभापति आश्रयता कार्की, स्टार्टअप तथा युवा उद्यमी मञ्चको सभापति अनुराग गोयल र उपसभापति आशिष अग्रवाललाई बनाइएको छ।

सचिवालयमा आयोजित कार्यक्रममा सीएनआईका अध्यक्ष वीरेन्द्रराज पाण्डेले आइतबार समिति, काउन्सिल र फोरमका सभापति तथा उपसभापतिलाई मनोनयन पत्र प्रदान गरे। समितिको सहयोगमा सीएनआईले आगामी दुई वर्षमा प्रभावकारी रुपमा काम गर्ने विश्वास पाण्डेले व्यक्त गरे।