सेयर कारोबारमा रेकर्ड कायम भएको वर्ष कुन ब्रोकर कम्पनीबाट कति रकमको भयो किनबेच?

काठमाडौं। गत आर्थिक वर्ष सेयर कारोबारमा रेकर्ड कायम हुँदा नासा सेक्युरिटिजबाट सर्वाधिक किनबेच भएको छ। ९३ वटा ब्रोकर कम्पनीमध्ये नासाबाट सर्वाधिक रकमको सेयर किनबेच भएको हो।

नासाबाट कुल २ खर्ब ५८ करोड रुपैयाँको सेयर कारोबार भएको छ। १ खर्ब २९ करोड रुपैयाँको सेयर खरिद र त्यति नै रकमको बिक्री भएको हो।

धेरै सेयर कारोबार हुनेमा नासापछि दोस्रो नम्बरमा इम्पेरियल सेक्युरिटी छ। यो कम्पनीबाट ८३ अर्ब २१ करोडको सेयर बिक्री भएको छ भने ८७ अर्ब ७ करोड रुपैयाँको सेयर खरिद भएको छ।

‍तेस्रो नम्बरमा भिजन सेक्युरिटी छ।

गत आर्थिक वर्ष २१ खर्ब २४ अर्ब ९१ करोड रुपैयाँको सेयर किनबेच भएको थियो। यो कारोबार रकम आर्थिक वर्ष २०८०/८१ को तुलनामा १८९.२३ प्रतिशत बढी हो।

यसअघि आर्थिक वर्ष २०७७/७८ मा १४ खर्ब ५४ अर्ब ४४ करोड रुपैयाँको सेयर कारोबार भएको थियो।

नेप्सेमा सूचीकृत कम्पनीको संख्या २७२ छ। गत आर्थिक वर्ष मर्जर तथा एक्विजिसनका कारण ३ कम्पनी सूचीकरणबाट हटेका छन् भने प्रथम सार्वजनिक निष्कासनमार्फत ४ वटा कम्पनी थपिएका छन्।

आर्थिक वर्ष २०८१/८२ मा ब्रोकर कम्पनीबाट भएको सेयर खरिद बिक्री रकम (रुपैयाँमा)