नेप्से २६.५३ अंकले बढ्यो, ७ अर्ब १२ करोडको सेयर किनबेच, वाणिज्य बैंक लगानीकर्ताको रोजाइमा

काठमाडौं। सेयर बजार परिसूचक २६.५३ अंकले बढेको छ। उत्पादनमूलक बाहेकका उपसमूहले नेप्से बढाएर २६२२.२८ विन्दुमा पुर्‍याएका हुन्।

लामो समयपछि बैंकिङ उपसमूहमा लगानीकर्ताको आकर्षण देखिएको छ। यो उपसमूहको सूचक आइतबार २ प्रतिशतले उकालो लागेको छ। नेप्सेमा सूचीकृत १९ वटै वाणिज्य बैंकको सेयर मूल्य बढेको छ।

सप्तकोशी विकास बैंकको सेयर मूल्यमा पोजेटिभ सर्किट लागेको छ।

बजारमा ७ अर्ब १२ करोड रुपैयाँको सेयर किनबेच भएको छ। धेरै कारोबार हुने शीर्ष ५ कम्पनीको सूचीमा भने जलविद्युत कम्पनी छन्। साहस ऊर्जाको ५७ करोड ८६ लाख रुपैयाँको सेयर किनबेच भएको छ।