होटलको ब्यालेन्स सिटमा सुधार, १८.१८% बढाए नाफा, कुनको वित्तीय अवस्था कस्तो ?

काठमाडौं। होटलहरुको वित्तीय अवस्थामा सुधार आएको छ। नेप्सेमा सूचीकृत ६ वटा होटलले चालु आर्थिक वर्ष ९ महिनामा ७९ करोड ९० लाख रुपैयाँ खुद नाफा कमाएका छन्।

होटलले आर्जन गरेको मुनाफा पोहोर ९ महिनाको तुलनामा १८.१८ प्रतिशत धेरै हो। गत आर्थिक वर्ष चैतसम्म होटलले ६७ करोड ६० लाख रुपैयाँ नाफा कमाएका थिए।

४ वटा होटलले नाफा वृद्धि गरेका छन्। सोल्टी, तारागाउँ रिजेन्सी, चन्द्रागिरि हिल्स र कालिञ्चोक दर्शनले नाफा बढाउँदा ओरियन्टलको नाफामा गिरावट आएको छ। सिटी होटलको नोक्सानी बढेको छ।

सोल्टी होटलले सबैभन्दा धेरै ४६ करोड ७३ लाख रुपैयाँ नाफा कमाएको छ।

नेप्सेमा सूचीकृत होटलको दुई आर्थिक वर्षको ९ महिनाको वित्तीय अवस्था (रु हजारमा)

आर्थिक गतिविधि बढ्दा होटलहरुको व्यापार बढेर वित्तीय अवस्थामा सुधार आएको हो। सोल्टी, तारागाउँ रिजेन्सी र कालिन्चोक दर्शनले आम्दानी बढाउँदा चन्द्रागिरि हिल्स, ओरियन्टल र सिटी होटलको आम्दानी घटेको छ।

नेप्सेमा सूचीकृत होटलको दुई आर्थिक वर्षको ९ महिनाको वित्तीय अवस्था (रु हजारमा)