अम्बानीका कान्छा छोरा अनन्त रिलायन्स इन्डस्ट्रिजको कार्यकारी निर्देशक नियुक्त

भारतीय अर्बपति मुकेश अम्बानीका कान्छा छोरा अनन्त रिलायन्स इन्डस्ट्रिज लिमिटेडको कार्यकारी निर्देशकमा नियुक्त भएका छन्। कम्पनीका अनुसार मे १ देखि लागू हुनेगरि नियुक्त गरिएका उनको कार्यकाल ५ वर्षको हुने कम्पनीले जनाएको छ।

अम्बानीले अगस्ट २०२३ मा आफ्ना तीन छोराछोरी ईशा, आकाश र अनन्तलाई तेलदेखि टेलिकमसम्मका कम्पनीहरूको बोर्डमा गैर-कार्यकारी निर्देशकको रूपमा ल्याएका थिए, जसले गर्दा उत्तराधिकार योजनाको तयारी भएको थियो।

छोराछोरीहरूले भारतको सबैभन्दा मूल्यवान र नाफा कमाउने कम्पनी रिलायन्समा महत्त्वपूर्ण भूमिका खेल्ने अम्बानीले बताएका छन्। जेठा छोरा आकाश २०१४ मा युनिटमा सामेल भएपछि जुन २०२२ देखि टेलिकम शाखा, जियो इन्फोकमको अध्यक्ष छन्।