निफ्राको नाफामा ८.८४ प्रतिशतले आयो गिरावट, ९ महिनामा कमायो ९० करोड

काठमाडौं। नेपाल इन्फ्रास्ट्रक्चर बैंक (निफ्रा)को नाफामा गिरावट आएको छ। बैंकले आर्थिक वर्ष २०८१/८२ को ९ महिनामा ९० करोड रुपैयाँ आर्जन गरेको छ।

बैंकले यस वर्ष चैतसम्म कमाएको मुनाफा गत वर्ष सोही अवधिको तुलनामा ८.८४ प्रतिशतले कम हो। निफ्राले गत वर्ष चैतसम्म ९८ करोड ७३ लाख रुपैयाँ खुद नाफा कमाएको थियो।

बैंकको खुद ब्याज आम्दानी २४.१२ प्रतिशतले घटेको छ। आम्दानी घटेर लागत बढेका कारण बैंकको नाफामा गिरावट आएको हो।