पियोर इनर्जीको आइपीओ निष्कासन, ११ लाख ९५ लाख हजार कित्तालाई खुल्यो आवेदन

काठमाडौं। पियोर इनर्जीले बिहीबारदेखि सर्वसाधारणका लागि आइपीओ निष्कासन गरेको छ। कम्पनीले ११ करोड ९५ लाख २० हजार रुपैयाँ बराबरको ११ लाख ९५ हजार २०० कित्ता आइपीओ निष्कासन गरेको हो।

सर्वसाधारणले अंकित मूल्य १०० रुपैयाँमा १० देखि अधिकतम १ लाख कित्ता सेयरका लागि २०८२ वैशाख २ गतेसम्म आवेदन दिन सक्नेछन्।

पियोर इनर्जीले यसअघि आयोजना प्रभावित स्थानीय, वैदेशिक रोजगारीमा गएकाहरु, कर्मचारी र सामूहिक लगानी कोषकालाई सेयर निष्कासन गरेको थियो।

आइपीओ निष्कासनको लागि गराएको रेटिङमा केयर रेटिङले कम्पनीलाई केयर एनपी डबल बी प्लस इस्यूअर रेटिङ दिएको छ। यसले कम्पनीको दायित्व बहन गर्ने क्षमतामा औसत जोखिम रहेको जनाउँछ।

आर्थिक वर्ष २०८१/८२ को पुससम्म कम्पनी २ करोड ३ लाख रुपैयाँ सञ्चित नोक्सानीमा छ। कम्पनीले आगामी वर्ष १ करोड १४ लाख रुपैयाँ नाफा कमाउने प्रक्षेपण गरेको छ। यस्तै, चालु वर्षको ६ महिनामा ०.३८ रुपैयाँ प्रति सेयर आम्दानी र ९६.६२ रुपैयाँ प्रति सेयर नेटवर्थ छ।

कम्पनीको सेयर निष्कासन तथा बिक्री प्रबन्धक नबिल इन्भेष्टमेन्ट बैंकिङ लिमिटेड रहेको छ।