गाडी र पार्ट्स बेच्ने चारवटा फर्म वाणिज्य विभागको कारबाहीमा, कारोबार रोक्का

काठमाडौं। वाणिज्य आपूर्ति तथा उपभोक्ता संरक्षण विभागले ४ वटा फर्मको कारोबार रोक्का गरेको छ।

विभागले शुक्रबार बजार अनुगमनका क्रममा कैफियत देखिएको भन्दै गाडी र पार्ट्स बेच्ने कुलेश्वरस्थित चारवटा फर्मको कारोबार रोक्का गरेको हो।

द फेसन ह्विल, द पर्फेक्ट अटो इन्टरप्राइजेज, बालाजी इन्टरप्राइजेज र द कार मार्टको कारोबार रोक्का गरेको विभागले जनाएको छ। विभागले ती फर्महरुलाई कागजपत्रसहित ३ दिनभित्र आफूकहाँ उपस्थित हुन निर्देशन दिएको छ।

विभागले ३ वटा अटो फर्ममाथिको कारबाही भने फुकुवा गरेको छ। सिजी मोटर्स, सेन्चुरी फुड प्याकेजिङ एण्ड प्रोसेसिङ उद्योग र अर्को एक कम्पनीको कारोबार फुकुवा गरेको हो।

विभागले केही दिनयता लेबल नभएको वस्तु बिक्री गर्ने व्यावसायिक फर्ममा अनुगमन तीव्र पारेको छ। लेबल राख्न विभागले चैत २० गतेसम्मको समय दिएको थियो।