नेपाल रि-इन्स्योरेन्सको व्यवसाय बिग्रियो, २७.४१ प्रतिशतले घट्यो खुद नाफा

काठमाडौं। नेपाल रि-इन्स्योरेन्सको वित्तीय अवस्था बिग्रिएको छ। कम्पनीले बिहीबार सार्वजनिक गरेको वित्तीय विवरण अनुसार नेपाल रिको व्यवसायसँगै नाफामा गिरावट आएको छ।

इन्स्योरेन्सको मुनाफा गत वर्ष २७.४१ प्रतिशतले घटेको छ। कम्पनीले अघिल्लो वर्ष १ अर्ब ५५ करोड रुपैयाँ नाफा कमाएकामा पोहोर १ अर्ब १३ करोड रुपैयाँमा खुम्चिएको छ।

कम्पनीको खुद बीमा शुल्क आर्जन ३.९३ प्रतिशतले घटेको छ। प्रति सेयर आम्दानी १२.१७ ‍रुपैयाँबाट घटेर ८.४३ मा सीमित भएको छ।

इन्स्योरेन्सले ७ अर्ब रुपैयाँ दाबी भुक्तानी गरेको वित्तीय विवरणमा उल्लेख छ।