बजारमा भारतीय सुन्तलाको एकछत्र राज, थोक मूल्य नै प्रति किलो १५० रुपैयाँ

काठमाडौं। बजारमा भारतीय सुन्तलाले एकछत्र राज गरेको छ। स्वदेशी उत्पादन सकिएपछि भारतीय सुन्तलाले बजार कब्जा गरेको हो।

बजारमा स्वदेशी सुन्तला फागुनसम्म बिक्री भइरहेकामा अहिले पाइँदैन। जसका कारण व्यापारीले भारतीय सुन्तलाको भाउ थोक बजारमै प्रति किलो १५० रुपैयाँ पुर्‍याएका छन्। उपभोक्ताले खुद्रा बजारमा प्रति किलो २५० देखि ३०० रुपैयाँसम्म तिर्नुपरिरहेको छ।

कुलेश्वर फलफूल बजारका व्यवसायी रुद्रबहादुर पाठकले बजारमा भन्सारका कारण सुन्तला महँगिएको बताए। ‘भारतीय सुन्तलामा भन्सार तिर्नुपर्छ। ढुवानीमा पनि धेरै खर्च हुन्छ। त्यसैले महँगो देखिएको हो,’ उनले भने।

व्यवसायीले स्वदेशी सुन्तलाको सिजनमा भारतबाट आयात गर्ने गरेका छैनन्।