इटहरीको सेन्टर प्लाजामा आगलागी, फसेकाहरूको उद्धारका लागि हेलिकप्टर पठाइँदै

काठमाडौं। सुनसरीको इटहरीमा रहेको सेन्टर प्लाजामा आगलागी भएको छ। बुधबार बिहान सवा १० बजेतिर इटहरी उपमहानगरपालिका-८ स्थित सेन्टर प्लाजाको चौथो तलामा आगलागी भएको हो।

अहिले सशस्त्र प्रहरी, नेपाल प्रहरी, नेपाली सेना र स्थानीयको सहयोगमा आगो नियन्त्रणमा लिने प्रयास भएको छ। सशस्त्रबाट नै १ सयभन्दा बढी प्रहरी परिचालन गरिएको छ।

त्यस्तै, भवनमा फसेकाहरूको उद्धारका लागि गृह मन्त्रालयले हेलिकप्टर पठाउन लागेको छ। ६ वटा दमकलले आगो नियन्त्रणमा प्रयोग गरिएको छ।

आगलागीमा फसेका ५ जनाको सशस्त्र प्रहरीले सकुशल उद्धार गरेको छ।